280: Imis' irahita vuba

< Kurondera abandi >
DOWNLOAD PDF
1
Imis' irahita vuba,
Irahita yiruka,
Ikigenda benshi bapfa
Batameny' Umukiza.
Har'igikorwa cacu
Tugikoran' umwete,
Tubandanye dukore,
Imis' itarahera.

Ref:
Irahera, irahera,
Imisi irahera.
Ni tuve hasi twese,
Tureke gukererwa.

2
Wobib' imbuto z' ivyiza
Mu mitima y'abantu,
Amosozi y'abarira
Woyabah anagura,
Hariho n'abaguye,
Kubavyura ni kwiza,
No guhumur' amaso,
No kuvur' ibisebe.

3
Ivyo vyoshobokera nde?
Wewe wobishobora,
Namb' ufise.
Mpwemu Yera,
N'urukundo rw'Imana:
Ikunda kubiduha
Tubigomvye vy'ukuri:
Tuyisengan’ umwete,
Dukor' ivy' imbabazi.

4
Ic' Umwami Yes' agomba
N' ukugendana natwe,
Ngw aruhur' abananiwe
Bamutey' ibitugu.
Kandi yaravuz' ati
Uzonyizera wese
Azobgir' imisozi
Ngw itabge mu kiyaga.

5
Nta c' utiny' ibir' imbere,
Yes' azogushoboza.
Umuh' umutima wawe,
Awiganzire rwose!
Isi yubahe Yesu!
Yadutsindiy' urupfu
Bo n' abadayimoni:
Ubu ni we dufise.

6
Rek' ukwo kwizera guke:
Na ruhebga yokizwa!
Ibuka yuko Paulo
Yar' umwansi w' ivyiza;
Yesu yamuhwikiye
Atabizi na gato,
Ac' akizw' uwo mwanya,
Ab' intumwa ya Yesu.

7
Ngo n' ubu, mugende mwese,
Mûri kumwe na Yesu;
Mumubgir' abatamuzi,
Na bo baz' .abakize.
Nta co mugaburura,
Canke ngo munanirwe,
Mutarabashikana
Ku Mukiz' abifuza.

Indirimbo zo gushimisha imana : Indirimbo z'agakiza